Matteusarguðspjall 6

Ekki fyrir mönnum
1Varist að iðka réttlæti yðar fyrir mönnum þeim til sýnis, annars eigið þér engin laun hjá föður yðar á himnum.
2Þegar þú gefur ölmusu skaltu ekki láta þeyta lúður fyrir þér eins og hræsnarar gera í samkunduhúsum og á strætum til þess að hljóta lof af mönnum. Sannlega segi ég yður, þeir hafa tekið út laun sín.
3En þegar þú gefur ölmusu viti vinstri hönd þín ekki hvað sú hægri gerir 4svo að ölmusa þín sé í leynum og faðir þinn, sem sér í leynum, mun umbuna þér.

Þegar þú biðst fyrir
5Og þegar þér biðjist fyrir þá verið ekki eins og hræsnararnir. Þeir vilja helst standa og biðjast fyrir í samkundum og á gatnamótum til þess að menn sjái þá. Sannlega segi ég yður, þeir hafa tekið út laun sín. 6En þegar þú biðst fyrir skaltu ganga inn í herbergi þitt, loka dyrunum og biðja föður þinn sem er í leynum. Faðir þinn, sem sér í leynum, mun umbuna þér.
7Þegar þér biðjist fyrir skuluð þér ekki fara með fánýta mælgi eins og heiðingjarnir. Þeir hyggja að þeir verði bænheyrðir fyrir mælgi sína. 8Líkist þeim ekki. Faðir yðar veit hvers þér þurfið áður en þér biðjið hann. 9En þannig skuluð þér biðja:
Faðir vor, þú sem ert á himnum.
Helgist þitt nafn,
10til komi þitt ríki,
verði þinn vilji, svo á jörðu sem á himni.
11Gef oss í dag vort daglegt brauð. [1]
Eða: brauð vort til dagsins á morgun.

12Fyrirgef oss vorar skuldir
svo sem vér og fyrirgefum vorum skuldunautum.
13Og eigi leið þú oss í freistni heldur frelsa oss frá illu. [2]
Eða: frá hinum vonda.

[Því að þitt er ríkið, mátturinn og dýrðin að eilífu, amen.]
[3]
Vantar í sum handrit.

14Ef þér fyrirgefið mönnum misgjörðir þeirra þá mun og faðir yðar himneskur fyrirgefa yður. 15En ef þér fyrirgefið ekki öðrum mun faðir yðar ekki heldur fyrirgefa misgjörðir yðar.

Þegar þú fastar
16Þegar þér fastið þá verið ekki döpur í bragði eins og hræsnarar. Þeir afmynda andlit sín svo að engum dyljist að þeir fasta. Sannlega segi ég yður, þeir hafa tekið út laun sín. 17En þegar þú fastar þá smyr höfuð þitt og þvo andlit þitt 18svo að menn verði ekki varir við að þú fastir heldur faðir þinn sem er í leynum. Og faðir þinn, sem sér í leynum, mun umbuna þér.

Fjársjóður þinn
19Safnið yður ekki fjársjóðum á jörðu þar sem mölur og ryð eyðir og þjófar brjótast inn og stela. 20Safnið yður heldur fjársjóðum á himni þar sem hvorki eyðir mölur né ryð og þjófar brjótast ekki inn og stela. 21Því hvar sem fjársjóður þinn er þar mun og hjarta þitt vera.
22Augað er lampi líkamans. Sé auga þitt heilt mun allur líkami þinn bjartur. 23En sé auga þitt spillt verður allur líkami þinn dimmur. Ef nú ljósið í þér er myrkur, hvílíkt verður þá myrkrið.

Guð og mammón
24Enginn getur þjónað tveimur herrum. Annaðhvort hatar hann annan og elskar hinn eða þýðist annan og afrækir hinn. Þér getið ekki þjónað Guði og mammón.
25Því segi ég yður: Verið ekki áhyggjufull um líf yðar, hvað þér eigið að eta eða drekka né heldur um líkama yðar, hverju þér eigið að klæðast. Er lífið ekki meira en fæðan og líkaminn meira en klæðin? 26Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim? 27Og hver yðar getur með áhyggjum aukið einni spönn við aldur sinn? [4]
Eða: við hæð sína.

28Og hví eruð þér áhyggjufull um klæðnað? Hyggið að liljum vallarins, hversu þær vaxa. Hvorki vinna þær né spinna. 29En ég segi yður: Jafnvel Salómon í allri sinni dýrð var ekki svo búinn sem ein þeirra. 30Fyrst Guð skrýðir svo gras vallarins sem í dag stendur en á morgun verður í ofn kastað, skyldi hann þá ekki miklu fremur klæða yður, þér trúlítil!
31Segið því ekki áhyggjufull: Hvað eigum vér að eta? Hvað eigum vér að drekka? Hverju eigum vér að klæðast? 32Allt þetta stunda heiðingjarnir og yðar himneski faðir veit að þér þarfnist alls þessa. 33En leitið fyrst ríkis hans og réttlætis, þá mun allt þetta veitast yður að auki. 34Hafið því ekki áhyggjur af morgundeginum. Morgundagurinn mun hafa sínar áhyggjur. Hverjum degi nægir sín þjáning.
6.1 Til sýnis Matt 6.5,16; 23.5 – laun Matt 5.46+ 6.2 Hræsnarar Matt 6.5,16; 7.5; 15.7; 22.18; 23.13; 24.51; Lúk 6.42; 12.56; 13.15 6.5-15 Hlst. Lúk 11.2-4 6.6 Herbergi þitt Jes 26.20; Dan 6.11 – loka dyrum 2Kon 4.33 6.7 Fánýt mælgi heiðingja 1Kon 18.27; Jes 1.15; Sír 7.14 6.8 Faðir yðar veit Matt 6.32; Lúk 12.30 6.9 Faðir á himnum Matt 5.16,45; 6.1,9; 7.11; 12.50; 16.17; 18.14; 23.9; Mrk 11.25; Lúk 11.13 – helgist þitt nafn 3Mós 22.32; 5Mós 32.51; Esk 28.22,25; 36.23; sbr Jóh 12.28 6.10 Ríki þitt Matt 3.2+ - Guðs ríki Matt 6.33; 12.28; 19.24; 21.31,43; Mrk 1.15; 4.11,26,30; 9.1,47; 10.14,15,23-25; 12.34; 14.25; 15.43 og hlst.; Jóh 3.3,5; Post 1.3; 8.12; 14.22; 19.8; 28.23,31; Róm 14.17; 1Kor 4.20; 6.9; 15.24,50; Gal 5.21; Kól 4.11; 1Þess 2.12; 2Þess 1.5; Jak 2.5; Opb 12.10 – vilji þinn Jes 44.28; Esk 36.27; Matt 7.21,24-27; 12.50; 18.14; 21.31; 26.42 og hlst.; Jóh 7.17; 9.31; Ef 1.5,9 6.11 Daglegt brauð Matt 6.34 6.12 Uppgjöf skuldar Matt 18.24-27 – svo sem vér og Matt 5.7; 6.14-15; 18.28-35; Mrk 11.25 6.13 Freisting Matt 4.1-10 og hlst. 26.41 og hlst.; 1Kor 7.5; 10.13; 1Þess 3.5; 1Tím 6.9; Jak 1.13; 1Pét 5.5-9; Opb 2.10 – frá illu / hinum vonda Matt 5.37; 13.19,38; Jóh 17.15; 2Þess 3.3 6.14 Fyrirgefa Ef 4.32; Kól 3.13 6.15 Ef ... Matt 18.35 6.16 Fasta 2Mós 34.28; Dan 9.3; Jl 2.12; Matt 4.2; 9.14-17; 17.21; Post 13.2-3; 14.23 – sýnast fyrir mönnum Matt 6.5; 23.5 6.19 Mölur Jak 5.2-3 – brjótast inn Matt 24.43 6.20 Fjársjóður á himni Matt 19.21 og hlst.; Kól 3.1-2 6.22-23 Hlst. Lúk 11.34-36 6.23 Spillt auga Matt 20.15; Mrk 7.22 6.24-34 Hlst. Lúk 16.19; 12.22-31 6.24 Peningar, mammón Lúk 16.9 6.25 Ekki áhyggjufull Matt 6.11; 7.7-11; 16.5-12; Mrk 13.15; Fil 4.6; 1Pét 5.7 6.26 Fremri fuglunum Matt 10.31; Lúk 12.7,24 6.29 Salómon 1Kon 10 6.30 Þér trúlítil Matt 8.26; 14.31; 16.8; 17.20; Lúk 12.28 6.32 Faðir yðar veit Matt 6.8; Lúk 12.30 6.34 Morgundagurinn 2Mós 16.4-5,19-20
Velja bók
Gamlatestamenti Nýjatestamenti Apokrýfur
1.Mósebók
2.Mósebók
3.Mósebók
4.Mósebók
5.Mósebók
Jósúabók
Dómarabókin
Rutarbók
1.Samúelsbók
2.Samúelsbók
1.Konungabók
2.Konungabók
1.Kroníkubók
2.Kroníkubók
Esrabók
Nehemíabók
Esterarbók
Jobsbók
Sálmarnir
Orðskviðirnir
Prédikarinn
Ljóðaljóðin
Jesaja
Jeremía
Harmljóðin
Esekíel
Daníel
Hósea
Jóel
Amos
Óbadía
Jónas
Míka
Nahúm
Habakkuk
Sefanía
Haggaí
Sakaría
Malakí
Matteusarguðspjall
Markúsarguðspjall
Lúkasarguðspjall
Jóhannesarguðspjall
Postulasagan
Rómverjabréfið
1.Korintubréf
2.Korintubréf
Galatabréfið
Efesusbréfið
Filippíbréfið
Kólussubréfið
1.Þessaloníkubréf
2.Þessaloníkubréf
1.Tímóteusarbréf
2.Tímóteusarbréf
Títusarbréf
Fílemonsbréfið
Hebreabréfið
Jakobsbréfið
1.Pétursbréf
2.Pétursbréf
1.Jóhannesarbréf
2.Jóhannesarbréf
3.Jóhannesarbréf
Júdasarbréfið
Opinberunarbókin
Tóbítsbók
Júdítarbók
Esterarbók
Speki Salómons
Síraksbók
Barúksbók
Bréf Jeremía
Viðaukar við Daníelsbók
1.Makkabeabók
2.Makkabeabók
Bæn Manasse
Ok
Leita í Bibliunni
Meira tengt Biblíunni
Almennt um Biblíuna